സ്ഥാപന ഘടന

ബ്ലോക്ക് പഞ്ചായത്ത് ഭരണ - ഓഫീസ് ഘടന

Elected Body & Office Administration Hierarchy

I. ജനപ്രതിനിധി വിഭാഗം (Elected Wing)

ബ്ലോക്ക് പഞ്ചായത്ത് പരിധിയിലെ വോട്ടർമാർ നേരിട്ട് തെരഞ്ഞെടുക്കുന്ന ജനപ്രതിനിധികളടങ്ങുന്ന ഭരണസമിതിയാണിത്. ഐക്യകണ്ഠേനയോ ഭൂരിപക്ഷാടിസ്ഥാനത്തിലോ ഉള്ള വികസന തീരുമാനങ്ങൾ കൈക്കൊള്ളുന്നത് ഈ വിഭാഗമാണ്.

  • ബ്ലോക്ക് പഞ്ചായത്ത് പ്രസിഡന്റ് (President): ഭരണസമിതിയുടെ പരമോന്നത തലവൻ. ബ്ലോക്ക് പഞ്ചായത്തിന്റെ എല്ലാ യോഗങ്ങളുടെയും അധ്യക്ഷത വഹിക്കുകയും വികസന പ്രവർത്തനങ്ങൾക്ക് നേതൃത്വം നൽകുകയും ചെയ്യുന്നു. അടിയന്തര സാഹചര്യങ്ങളിൽ തീരുമാനങ്ങൾ എടുക്കാനും ഫണ്ട് വിനിയോഗത്തിന് അനുമതി നൽകാനും അധികാരമുണ്ട്.
  • ബ്ലോക്ക് പഞ്ചായത്ത് വൈസ് പ്രസിഡന്റ് : പ്രസിഡന്റിന്റെ അഭാവത്തിൽ അദ്ദേഹത്തിന്റെ ചുമതലകൾ നിർവ്വഹിക്കുന്നു. കൂടാതെ ധനകാര്യ സ്ഥിരം സമിതിയുടെ (Finance Standing Committee) ഔദ്യോഗിക ചെയർമാൻ കൂടിയാണ്.

  • സ്ഥിരം സമിതികൾ : വികസന പ്രവൃത്തികൾ കൂടുതൽ കാര്യക്ഷമമാക്കാൻ ഭരണസമിതി അംഗങ്ങളെ ഉൾപ്പെടുത്തി രൂപീകരിക്കുന്ന അഞ്ച് പ്രധാന സമിതികളാണിവ. ഓരോ സമിതിക്കും പ്രത്യേകം ചെയർമാൻമാരുണ്ടാകും:

    • ധനകാര്യ സ്ഥിരം സമിതി (ധനകാര്യം, ബഡ്ജറ്റ്, നികുതി)
    • വികസന കാര്യ സ്ഥിരം സമിതി (കൃഷി, മൃഗസംരക്ഷണം, ചെറുകിട വ്യവസായം)
    • ക്ഷേമകാര്യ സ്ഥിരം സമിതി (പട്ടികജാതി-പട്ടികവർഗ്ഗ ക്ഷേമം, സാമൂഹ്യ സുരക്ഷ)
    • ആരോഗ്യ-വിദ്യാഭ്യാസ സ്ഥിരം സമിതി (വിദ്യാഭ്യാസം, പൊതുജനാരോഗ്യം)
     
  • ഭരണസമിതി അംഗങ്ങൾ : ബ്ലോക്ക് പഞ്ചായത്തിലെ വിവിധ ഡിവിഷനുകളിൽ നിന്നും ജനങ്ങൾ നേരിട്ട് തെരഞ്ഞെടുക്കുന്ന മെമ്പർമാർ. തങ്ങളുടെ ഡിവിഷനിലെ വികസന ആവശ്യങ്ങൾ ഭരണസമിതിയിൽ ഉന്നയിക്കുകയും പദ്ധതികൾ നടപ്പിലാക്കാൻ മുൻകൈ എടുക്കുകയും ചെയ്യുന്നു.
▼ ▼ ADMINISTRATIVE IMPLEMENTATION ▼ ▼

II. ഉദ്യോഗസ്ഥ ഭരണവിഭാഗം (Official Wing)

1. ബ്ലോക്ക് ഡെവലപ്‌മെന്റ് ഓഫീസർ (BDO / Secretary):
ഭരണസമിതി എടുക്കുന്ന എല്ലാ തീരുമാനങ്ങളും നിയമപരമായി നടപ്പിലാക്കുന്ന ഉദ്യോഗസ്ഥ തലവനാണ് BDO. ബ്ലോക്ക് പഞ്ചായത്തിന്റെ ഔദ്യോഗിക സെക്രട്ടറിയായും ഇദ്ദേഹം പ്രവർത്തിക്കുന്നു. 

2. ജനറൽ അഡ്മിനിസ്ട്രേഷൻ & അക്കൗണ്ട്സ് വിഭാഗം:

തസ്തികപ്രധാന ചുമതലകൾ
ജോയിന്റ് ബി.ഡി.ഓ. (Joint BDO)ഓഫീസ് ഭരണമേൽനോട്ടം, ദേശീയ ഗ്രാമീണ തൊഴിലുറപ്പ് പദ്ധതിയുടെ (MGNREGS) ഏകോപനം.
ഹെഡ് അക്കൗണ്ടന്റ് (Head Accountant)ബ്ലോക്കിന്റെ ബഡ്ജറ്റ്, വാർഷിക അക്കൗണ്ടുകൾ, ശമ്പളം, ഫണ്ട് വിനിയോഗ പരിശോധന.
ഹെഡ് ക്ലർക്ക് (Head Clerk)ഓഫീസിലെ ഫയൽ നീക്കങ്ങൾ, ജീവനക്കാരുടെ കാര്യങ്ങൾ (Establishment), കത്തുകളുടെ കൈകാര്യം ചെയ്യൽ.
സീനിയർ ക്ലർക്ക് / ക്ലർക്കുമാർവിവിധ പദ്ധതി സെക്ഷനുകൾ (ലൈഫ് മിഷൻ, പി.എം.എ.വൈ ഭവന പദ്ധതി, പ്ലാൻ ഫണ്ട്, വിവരാവകാശം).
ഓഫീസ് അറ്റൻഡന്റ്സ് & ഡ്രൈവർഓഫീസ് അസിസ്റ്റൻസ്, ഔദ്യോഗിക വാഹന ഡ്രൈവിംഗ്.

3. എക്സ്റ്റൻഷൻ ഓഫീസർമാർ വിഭാഗം

  • Extension Officer (P&M): വാർഷിക പദ്ധതികളുടെ ആസൂത്രണം, പ്രോജക്ട് രൂപീകരണം, പുരോഗതി വിലയിരുത്തൽ.
  • Extension Officer (Housing): ലൈഫ് മിഷൻ, PMAY തുടങ്ങിയ ഭവന പദ്ധതികളുടെ സംസ്ഥാന/കേന്ദ്ര ഫണ്ട് വിതരണ മേൽനോട്ടം.
  • General Extension Officer (GEO): ദാരിദ്ര്യ നിർമ്മാർജ്ജന പദ്ധതികളുടെയും ഗ്രാമപഞ്ചായത്ത് വികസന കാര്യങ്ങളുടെയും ഏകോപനം.
  • Extension Officer (Women Welfare - വനിതാ ക്ഷേമം): സ്ത്രീകളുടെയും കുട്ടികളുടെയും വികസന പ്രോജക്റ്റുകൾ, സ്ത്രീ ശാക്തീകരണ സ്വയംതൊഴിൽ പദ്ധതികൾ, സാമൂഹ്യ ക്ഷേമ പ്രവർത്തനങ്ങൾ എന്നിവയുടെ മേൽനോട്ടം.
  • വില്ലേജ് എക്സ്റ്റൻഷൻ ഓഫീസർമാർ (VEO): താഴെത്തട്ടിൽ നേരിട്ട് ചെന്ന് ഗുണഭോക്താക്കളെ കണ്ടെത്തുന്ന ഫീൽഡ് തല ഉദ്യോഗസ്ഥർ.

4. സാങ്കേതിക വിഭാഗം (Technical Wing / LSGD Engineering):

  • അസിസ്റ്റന്റ് എക്സിക്യൂട്ടീവ് എഞ്ചിനീയർ (AEE): ബ്ലോക്ക് തലത്തിലെ എഞ്ചിനീയറിംഗ് വിഭാഗത്തിന്റെ പ്രധാന മേധാവി.
  • അസിസ്റ്റന്റ് എഞ്ചിനീയർ (AE): പൊതുമരാമത്ത് പ്രവൃത്തികളുടെ പ്ലാൻ, എസ്റ്റിമേറ്റുകൾ തയ്യാറാക്കി സാങ്കേതിക അനുമതി നൽകുന്നു.
  • ഓവർസിയർമാർ & ഐ.ടി അസിസ്റ്റന്റ്: സൈറ്റ് പരിശോധനകൾ, അളവുകൾ രേഖപ്പെടുത്തൽ (M-Book), ഓൺലൈൻ അപ്രൂവലുകൾ.
* ഈ ഓഫീസ് സംവിധാനം കൂടാതെ കൃഷി, മൃഗസംരക്ഷണം, ഐ.സി.ഡി.എസ്, പട്ടികജാതി വികസനം തുടങ്ങിയ വിവിധ ലൈൻ ഡിപ്പാർട്ട്മെന്റുകളും ബ്ലോക്ക് തലത്തിൽ ഇതോടൊപ്പം ചേർന്ന് പ്രവർത്തിക്കുന്നുണ്ട്.